अमेरिकामा बस्दै आएका समाजसेवी इश्वर सिटौला र दुर्गा सिटौलाको नेतृत्वमा तुलसालय आश्रमलाई स्कुल भ्यान हस्तान्तरण

अमेरिकाको क्यालिफोर्नियामा स्थापित नीलकृष्ण-जसोदा सिटौला फाउन्डेसन (NILKRISHNA JASHODA SITAULA FOUNDATION) तुलसी फाउन्डेसनद्वारा ललितपुर जिल्लाको ललितपुर महानगरपालिका-२५ नख्खुडोलमा सञ्चालित तुलसालय आश्रमका बालबालिकाका लागि GoFundMe सञ्चालन गरी संकलन गरिएको रकमबाट खरिद गरिएको स्कुल बस हस्तान्तरण कार्यक्रम आज भव्य रुपमा सम्पन्न भएको छ ।

बरिष्ठ समाजसेवी इश्वर सिटौला र दुर्गा सिटौलासंग पत्रकार एचबी ताम्राकार

संस्थाको नेपाल प्रमुख गोपी प्रसाई ज्युले आफ्नो महत्वपूर्ण विचार राख्नु भयो ।संञ्चारकर्मीको हैसियतले एचबी ताम्राकारले पनि आफ्नो विचार राख्ने अवसर पाए ।

स्कुल भ्यान हस्तान्तरण गरिदैः गोपी प्रसाई र सरु सुवेदी

आयोजकको रुपमा रहेको तुलसालय आश्रमकै अध्यक्ष सरु सुवेदीले निकै महत्वपूर्ण विचार राख्दै सहयोग गर्ने संस्थाका प्रमुख इश्वर सिटौला र दुर्गा सिटौला लाई धन्यवाद पनि दिनुभयो । यस आश्रम परिवार तथा यहाँ आश्रित बालिबालिकालाई हौसला प्रदान गर्न सवै उपस्थित व्यक्तित्वले तारिफ गर्नुभयो ।

पत्रकारहरुलाई जानकारी गराउदै: एचबी ताम्राकार, गोपी प्रसाई र सरु सुवेदी

नीलकृष्ण-जसोदा सिटौला फाउन्डेसन को तर्फबाट गोपी प्रसाई,एचबी ताम्राकार, पवन प्रसाई र किसोर उप्रेती को पनि उपस्थिति थियो ।यो कार्यक्रममा पत्रकार, कलाकार, समाजसेवी र सवैको सहभागिता रहेको छ ।

स्कुल भ्यान खरिदकोलागि चेक हस्तान्तरण

आश्रममा बस्दै आउनु भएको अनाथ बालबालिकाकोलागि स्कुल जान सहज होस भनेर स्कुल भ्यान खरिदको लागि लगभग दश लाख उनानब्बे हज़ार ४३ रुपैया २० पैसा नीलकृष्ण-जसोदा सिटौला फाउन्डेसनले नेतृत्वमा विश्वभर इश्वर सिटौला र दुर्गा सिटौलाको नेतृत्व आर्थीक सहयोग संकलन गरिएको थियो ।