युवा विद्यार्थी नेता बिराज थापा: एक परिवर्तनकारी योद्धा

बिराज थापा, एक युवा नेता र परिवर्तनकारी योद्धा, जो आफ्नो राजनीतिक यात्रा नेपाल ल क्याम्पसबाट विद्यार्थी राजनीति गर्दै सुरु गरेका थिए। कानुनमा स्नातक गरेका थापा प्रारम्भदेखि नै विद्यार्थी आन्दोलनका अग्रमोर्चामा रहेर काम गरेका छन्। प्रस्ट वक्ताका रूपमा परिचित थापा आफ्नो विचारधारा, नेतृत्व क्षमता र विद्यार्थीको हकहितको लागि संघर्ष गर्न सदैव प्रतिबद्ध रहेका छन्।

अखिल (क्रान्तिकारी) मा नयाँ ऊर्जा

थापा हाल अखिल (क्रान्तिकारी) को २३औं राष्ट्रिय सम्मेलनमा खुला उपाध्यक्ष पदका उम्मेदवारका रूपमा अघि आएका छन्। “Fresh Student, Fresh Mandate” को नाराका साथ उनले आफ्नो उम्मेदवारी घोषणा गरेका छन्। थापाले यस पदमा निर्वाचित भएमा विद्यार्थीका मुद्दाहरूलाई सशक्त रूपमा उठाउने र संस्थागत गर्ने प्रतिबद्धता जनाएका छन्।

कानुनी लडाइँमा सफलता

२३ वर्षको उमेरमै कानुनी क्षेत्रमा थापाले उल्लेखनीय सफलता हात पारेका थिए। उनले सर्वोच्च अदालतमा रिट दायर गरी तत्कालीन गृहमन्त्री रामबहादुर थापा ‘बादल’ लगायत सात मन्त्रीलाई पदमुक्त गराएका थिए। यो कदमले उनीप्रति कानूनी र राजनीतिक क्षेत्र दुवैमा ठूलो प्रशंसा ल्यायो।

उनी आफ्नो नेतृत्व क्षमताको माध्यमबाट विद्यार्थीहरूको हक अधिकारका लागि सदैव तत्पर रहने छन्। २३औं राष्ट्रिय सम्मेलनमा उनी विजयी भएमा विद्यार्थी आन्दोलनलाई नयाँ दिशा दिने र मुलुकमा सकारात्मक परिवर्तन ल्याउने अपेक्षा गरिएको छ।

थापाको भूमिकाप्रति विद्यार्थीको विश्वास

बिराज थापा आजको मितिमा एक प्रखर वक्ता मात्र होइन, विद्यार्थीहरूको आवाजलाई बुलन्द बनाउन सक्षम एक नेतृत्वकर्ता पनि हुन्। विद्यार्थी आन्दोलनलाई नयाँ उचाइमा पुर्याउने र मुलुकको शिक्षामा सुधार गर्ने उनका दृष्टिकोणले उनलाई यस पदका लागि योग्य उम्मेदवार बनाएको छ।

थापाको विजयी यात्रा विद्यार्थी राजनीति मात्र नभई मुलुकको भविष्यमा सकारात्मक प्रभाव पार्नेछ भन्ने विश्वास गरिएको छ।